Author: admin

Fotene vo dr Fasnacht 2017 si online!

D Fasnacht 2018 stoht scho fascht vor dr Türe, und mir hei e paar Impressione vom letschte Johr widr welle revue passiere.
Somit chönnet dr unter >> Fasnacht 2017 d Bilder vo dr letschte Fasnacht euch zum beschte geh.

Au das Johr sind mir uf euri tatchräftigi Unterstützig agwiise. Esone Wage und s ganze drum und dra choschtet ebe scho e guete Batze Gäld, dorum sind mir uf euri Unterstützig, vor allem dure Passivmitgliederbiiträg aagwise.
E rächt härzlichs Dankeschön bereits jetzt an alli wo eus das ganze ermögliche 🙂

PS: Mir würde eus au das Johr über e chlini Nochricht in eusem Gäschtebuech freue!

Mit Vor-fasnächtliche Grüess
Euri Chaote

Rückblick: Fotene vom 2016i sind online

D Vorbereitige für die nächscht Fasnacht si bereits im Gang, und doch luege mr gern e bitz zrug.
Was letscht Johr so alles passier isch chönnet dr in dr Bilderstrecki vo dr –> Fasnacht 2016 aluege. 🙂

Bitte dänket dra, d Passivmitgliederbiiträg eus so bald wie möglich z überwiise, damit mr au das Johr widr öppis aständigs uf d bei chönne stelle.
Mitr würde eus notüerli freue, wenn dr euch in eusem Gäschtebuech würdet verewige 🙂

Beschti Grüess und bis bald
Euri Chaote

Neu: Mitgliederberiich für Aktiv- und Passivmitglieder

Liebi Fründe vo dr Chaotebandi Gälterchinde

Stolz präsentiere mir euch euse neue Mitgliederberiich. Er richtet sich aktuell an aktivi und passivi Mitglieder vo eusem Verein.
Primär sell dä neu Beriich vor allem d Kommunikation zwüschem Verein und sine Mitglieder verbessere. Ebefalls sell er bi eusne adminischtrative Tätigkeite e hilfriichs Wärchzüg wärde.

Die wichtigscht Funktione wo mr vo Afang ah zur Verfüegig stelle sind:

  • Kontaktdate bearbeite
  • Amäldig ans Wageapéro

D Aamäldedate wärde in dem Moment an alli Passivmitglieder per Post verschickt.
Falls dr Froge heit oder Problem sete ufträtte, bitte zögeret nid und schribet eusem Webmaster es Mail, er hilft euch gern witter.

Wöttsch au du gärn es Passivmitglied wärde und eus bi euser Liideschaft unterstütze, denn mäld di doch per Mail oder direkt bi öpperem vo eusne Mitglieder, wenn de z. Bsp. grad öpper kennsch.

In dem Sinn wünsche mir euch e gueti Zit. Mir hoffe so vil Mitglieder wie möglich an eusem Wageapéro zgseh und uf d Fasnacht azstosse.

Liebi Grüess
Euri Chaotebandi

Unterstand gsuecht

Hoi zäme

Mir si uf dr Suechi nach eme Unterstand für euse Fasnachtswage.
Er würdi  guet und gern 8 Mönet im Johr dört zwüscheglageret wärde, bis mr en widr usehole, um en für d Fasnacht widr zwägzrichte.
Mir si notüerli gärn bereit Mieti drfür z zahle.

Falls dr öpper wüsset, wo eus do chönnt witterhelfe, wäre mir sehr froh wenn dr uf eus chönntet zuecho.

Merci bereits im Vorus, und e gueti Zit 🙂
Euri Chaotebandi

D Fasnacht 2015 isch verbi

Und scho isch si widr verbi, d Fasnacht 2015.

Mir wei eus uf dem Wäg nomol ganz härzlich bi allne bedanke, wo mit eus gfeschtet und/oder eus unterstützt hei. Es isch e super Fasnacht mit tolle Momänt gsi, wo immer in Erinnerig wärde bliibe!

Apropos Erinnerige: D Fotene vo däm Johr wärde im Lauf vo de nägschte Wuche uf d Websitte glade.
Lueget doch bi Glägeheit widr mol vrbi 🙂

In dem Sinn, vor dr Fasnacht isch nach dr Fasnacht – Prost! 😀

Euri Chaotebandi

Nur no 5 Täg!

Hoi zäme

Jetz gohts no genau 5 Täg bis zum Apéro und eusi letschte Vorbereitige laufe uf Hochduure.
Mir hoffe notüerlich, dass eus dr Petrus au das super Wätter lieferet wo mr bstellt hei 😀

Mir freue eus scho ufe Samschtig und wünsche euch no e gueti Wuche!
Euri Chaotebandi

PS: Hinterleut doch no euri Spure im Gäschtebuech, mir freue is über jedi Art vo Aaregige, Feedback und notüerli au konstruktiver Kritik 🙂

Föteli 2013 si online

Sali zämme

Es het widr mol es Update geh uf dr Sitte, d Fötteli vom 2013 si online!

Wie dr an dr Mängi erkenne chönnet wärdes vo Johr zu Johr meh Föteli. Mr gäbe is Müeh, dass d Föteli vom letscht Johr au bald gsichtet, sortiert und uf d Websitte gladet wärde.
Mir wünsche euch uf jede Fall scho mol vil Spass bim Dureschneugge vo de Johre 2009 bis 2013 🙂

Chaotischi Grüess und bis bald – es goht nur no 16 Täg bis zum Apéro! 😀
Euri Chaotebandi